BILDU eta ZABALDU

BASERRIA

 BASERRIAREN INGURUKO PROPOSAMENA

BASERRIARI BURUZKO GALDEKETA

Adina:

Sexua:

Kaletarra/Baserritarra

+ Baserritik herrira alde egin du jendeak azken urteetan. Zergatik uste duzu gertatu dela?

+ XXI. hiritar batek ze arrazoi izango lituzke baserrira bizitzera joateko?

+ Gustatuko litzaizuke baserrian bizitzea? Zergatik?

+ Zure ustez, zer behar luke baserriak gaur egungo bizimodura egokitzeko?

+ Baserriari buruz duzun irudia hitz bakarrean.

MURUETA

HOFFMAN LABARI BURUZ...

Hoffmann labaren ereduak aztertzen ibili eta gero CTIBOR adreilu lantegikori buruz (1906) hitz egingo dut.

-Oina lauki - zuzen formakoa eta galeria anularra duena.

-Eraikinaren ebaketa gangaduna eta ona bi geletan banatuta dago. Ganga - sistemak suaren zirkulazio jarraitua ahalbideratzen zuen.

-Geletan ateak daude eta "azpi gela" moduko batzuk sortzen dira bakoitza bere atearekin, elkarren artean bereizketarik gabe. Era honetan sekuentzia bat sortzen da:

Gelatxo batean materiala (buztina) egosten den bitartean, hurrengoan tenperatura jeitsi egiten eta ondorioz egositako buztina hoztu egiten da eta atera daiteke.

-MATERIALA SARTU, EGOSI ETA ATERA ALDI BEREAN EGITEN ZEN.

-Erregaia IKATZA zen, laba etengabe funtzionamenduan egotea ahalbideratzen zuen. Ikatza sabaiko zuloetatik sartzen zen.

MATERIALA  KARGATU ETA DESKAGATU EGITEN ZUTEN ETA LABAREN ERRITMORA MAKURTZEN ZIREN.

 GELEN ATEAK ETA GUZTIA ESTALTZEN DUEN ESTALKIA

 BARRUKO IKUSPEGIA, MATERIALAREN ZIRKULAZIOA AHALBIDERATZEN DUEN GALERIA

 TXIMINIA

DIN-A 1-a

Hona hemen egindako lanaren emaitza:

 Proiektuaren ideia nagusiak azaltzen ahalegindu gara:
-Ura elementu egituratzailea izatea, espazio komun gisa ulertzea. Horregatik hori proiektuan indartzeaz gain, marrazten ere indartu egin dugu.

KOKAPENA

OINAK

 
-Eraikina horman txertatuta dago eta kanpora trinko isten den bitartean barruko uraren espaziora zabaltzen da. Trinkotasuna fatxada egiteko erabili dugun harrizko aplakatuaren bidez lortu nahi izan dugu. Marrazteko orduan fatxaden eta maketaren bidez izaera hori izatea lortu nahi izan dugu. Hasiera batean harrizko karga hormak erabiltzeko asmoa bageneukan ere azkenean hormigoi armatuzko hormak kanpotik harrizko aplakatuarekin estaltzea erabaki dugu xehetasunean ikusten den legez. Hona hemen proiektuaren ebaketa eta altxaerak.

EBAKETA ETA ALTXAERA NAGUSIAK

 ERAIKINAREN LUZETARAKO EBAKETA

 ZEHARKAKO EBAKETAK

-Eraikin ia osoa (denda eta jatetxea izan ezik, pasealekuaren mailan) lur azpain hedatzen denez argiztapen naturala argizuloen bidez burutu da: argizuloek era berean mahai eta eserleku funtzioa izango dute eta solairuaren egituararekin harreman zuzena izango dute. Hona hemen argizulo baten xehetasuna:

XEHETASUNAK

Solairuaren egitura funtsean hormigoi armatuzko sarea da, gora eta behera antolatzen dena: batetik egituraren jarraipenarekin argizuloak eta gaineko altzariak eratzeko, bestetik, eraikinaren barruan argiztapen artifiziala ezkutatzeko.
Hona hemen maketaren argazkiak:

MUTRIKUKO IGERILEKUARI BURUZ

Txikitatik Mutrikura joan izan naiz bertan familia dudalako. Orain arteko uda guztiak bertan igaro izan ditut eta bertan dagoen igerileku naturalean egin dut igeri. Mutrikuarrentzat oso garrantzitsua da igerilekua, eta oso erabilia gainera. Pasarelak (Mutrikun petraila) itsasoa eta igerilekua banatzen ditu eta marea goian dagoenean desagertu egiten da. Lau sarrera dituela esan genezake: arranplan behera dauden eskailerak alde batean, beste aldean arrapala, atzean eskailerak eta azkenik itsaso zabala.Gaur egun hondartzaren egoera tamalgarria dela eta (portu berriaren obrak bertan behera gelditu dira kristoren sarraskia egin ondoren) igerilekua gehiago erabiltzen da, beste aukerarik ezean...
Oroitzapen onak etortzen zaizkit burura, ahaztuko ez ditudan uneak eta ahazten bazaizkit igerilekuara joaten gogoratuko ditut.

TUNELAREN BESTALDEA

Proiektuan buru-belarri gabiltza, egindako bozetoetan trazoak pasa eta pasa, papela zikinduz, orban beltz bat bihurtu arte...eta azkenean ez da ezer ulertzen.
Ideiak papelean islatzen gabiltza, lekuan kokatzen, bizia ematen. Esan beharra dago orban beltza pixkanaka forma hartzen ari dela bukaerako formatik urrun badago ere.
Laburtuz, tunelaren bestaldea ikusten ez badugu ere, tunelean aurrera goaz bide luzea izango denaren jakinean.

Hasierako bozetoetatik...

URDAIBAIREN ANALISIA

Denboran oinarritutako plano honek metroko plano baten itxura badu ere, Urdaibai irudikatzen du, gezurra badirudi ere. Traza hortan herriak eta herrietatik zein guneetatik dauden ikuspegiak gehitu dira, eta honela hasierako lerro multzo hori are ulergaitzago bilakatu da.


Hasiera batean ulertzeko zaila dirudien arren, minutu batzutan planoa aztertzen igarotzeak merezi duela esan dezaket eta ulertu daitekeela ere bai. Baina, era honetan ulergaitza izaten jarraitzen badu, ba, irudi abastrakto bat dela esan genezake.

LAUKIZUZEN BAT BAINO GEHIAGO...

Erakusketan, zenbait obra interesgarriren artean, nigan arreta gehien piztu zuena, Dennis Oppenheim-en SALT FLAT izan zen. Berau sinplea da oso, agian begi-bistan zentzurik gabea, horrek interesgarri egiten duelarik, bere sinpletasunak eta baita kokatzen den lekuak ere, New York bezalako hiri urbano eta kosmopolitak.
 

Obra, egunerokotasunean erabiltzen ditugun osagaiek osatzen dute: ogia egiteko erabiltzen den 500 kilo gatz 17x34 m-ko aparkaleku baten asfaltoaren gainean barreiatzen dira. Benetan kuriosoa baita, horren ohikoak diren gatzak eta aparkalekuko asfalto latzak hiria egiten etxea eta kalea horren era argian ordezkatzea.
Eta hori gutxi balitz, obraren autoreak artelanaren alboan zutik dirau, obraren parte, artelanean gainera paper garrantzitsua betetzen duelarik laukizuzenaren eskalaren berri ematen baitu. Izan ere, batek baino gehiagok laukizuzena Manhattaneko partzela bat delakoaren ustea izatea (nire kasua hain zuzen ere) ez litzateke harritzekoa izango. Hala ere izenburuak uste hori ezeztatu egiten du FLAT (apartamentua) delakoarekin baita arestian aipaturiko autorearen agerpenak ere.

Gezurra dirudi horren forma geomatriko sinplea den laukizuzen bat era desberdinetan interpretatu ahal izatea, hala eta guztiz ere kasu honetan ez da horren harrigarria, funtsean laukizuzen bat baino gehiago delako.

KUTSO BERRIARI BURUZ

Irakasgai hau erakargarria da berez baina Urdaibaien kokatzeak eta taldean lan egiteak are erakargarriago egiten dute. Horregatik, apenas ezagutzen ez dudan Bizkaiko kostaldeko zonalde hontan buru-belarri lanean aritzeko gogoa dut eta era berean jakinmina. 

Horrez gain, bakoitzaren ideiak taldean azaltzeko eta tartekatzeko asmoa oso aberatsa iruditzen zait. Era honetan norberak ikusten ez dituen akatsak zuzendu daitezke (batzuetan norbera bere lanean itsutzen baita) eta hausnarketarako baliagarria izan daiteke.

Bukatzeko, ordenagailuan 3D-ak egiten ahaleginduko naiz orain arte maketarekin egin baitut lan oso tresna lagungarria iruditzen zaidalako batik bat eskalaz jabetzeko. Hala eta guztiz ere uste dut teknologia berrien ekarpenak abantailak ekar ditzakeela proiektatzeko orduan praktikotasunari dagokionez batik bat.